من انا
ﻓﻰ ﺍﻟﺠﻨﻪ ﺭﺏ ﺍﻟﻌﺎﻟﻤﻴﻦ ﻳﺪﻳﻜﺎ .. ﻳﺎ ... ﻭﻃﻦ ﺍﻟﻤﺪﺍﻳﻦ ﺍﻟﻔﺎﺿـــــــــــــﻠﻪ ﺳﻜﺎﻧﻮ ﺍﻧﺒﻴﺎﺀ ﻭﻣﺎﻣﺖ ﻳﺎ ﺍﻟﻤﻮﺗﻚ ﺣﻴﺎﻩ ﻟﻘﻤﺖ ﻋﻤﺮﻙ ﻟﻠﻮﻃﻦ ﻭﺁﺧﺮ ﺷﺊ ﻟﻘﻤﺘﻮ ﺍﻟﺤﻴﺎﻩ ﺃﺩﻳﺘﻪ ﺭﻭﺣﻚ ﻟﻠﺴﺤﺎﺏ ﻳﺴﻘﻰ ﺍﻷﺭﺍﺿﻰ ﺍﻟﻤﻴﺘﻪ ﻣﻦ ﻗﻞ ﺍﻟﻤﻴﺎﻩ ﻭﺟﺴﺪﻙ ﺻﺒﺢ ﺟﻮﺯﻳﻦ ﺣﻤﺎﻡ ﻳﺎ ﺗﺮﻛﺔ ﺍﻟﺼﺎﻟﺤﻴﻦ ﻭﺍﻷﻭﻟﻴﺎﺀ ....................................... ﻳﺎ ﺣﺴﺮﺓ ﻳﺎ ﺃﺣﺰﺍﻥ ﻣﺪﺩ ﺣﻤﻴﺪ ﻋﻀﻢ ﺿﻬﺮ ﺍﻟﺒﻠﺪ ﻳﺎ ﻛﻠﻨﺎ ﻭﻳﺎ ﺃﻯ ﺯﻭﻝ ﻳﺎ ﺯﻭﻝ ﺑﻠﺪ ﻭﺍﻟﻠﻪ ﻳﻮﻡ ﻓﻘﺪﻙ ﺗﻘﻮﻝ ﻣﻦ ﺃﻯ ﺑﻴﺖ ﻣﻔﻘﻮﺩ .. ﻭﻟﺪ ﺑﻴﻮﺿﺔ ﺍﻷﺣﺰﺍﻥ ﻭﺭﺍﻙ ﺑﺮﺳﻴﻤﻪ ﻓﻰ ﺟﻮﻓﻨﺎ ﺇﺗﻔﺮﺽ ﺿﻮ ﺍﻟﻔﺮﻳﻖ ... ﺍﻟﺒﻘﻀﻰ ﻟﻠﻨﺎﺱ ﺍﻟﻐﺮﺽ ﺍﻟﺒﻔﺘﺶ ﻟﻠﻌﻼﺝ .. ﻗﺒﺎﻝ ﻧﺌﻦ ﻣﻦ ﺍﻟﻤﺮﺽ ﻭﻳﻮﻡ ﺑﻮﺷﻨﺎ ﻗﺒﺎﻝ ﻣﺎ ﻧﻬﻮﺵ ﻧﻠﻘﺎﻫﻮ ﺃﻭﻝ ﺯﻭﻝ ﻋﺮﺽ ﻳﺎ ﻛﺒﻴﺮ ﺍﻝ ﺍﻟﻠﻪ ﻣﺎ ﺍﺩﺍﻫﻢ ﻛﺒﻴﺮ ﺃﺑﻮ ﺍﻟﻴﺘﺎﻣﻰ ﻭﺃﺑﻮ ﺍﻟﺒﻠﺪ ﻗﺎﺑﺾ ﻋﻠﻰ ﺟﻤﺮ ﺍﻟﻮﻃﻦ ﺃﺣﺪ ... ﺃﺣﺪ ﻣﺎ ﺣﺪﺕ ﻋﻦ ﻫﺬﺍ ﺍﻟﻄﺮﻳﻖ ﻟﻤﻦ ﻗﺒﺾ ﻭﺩّ ﺍﻟﻠﺤﺪ ............................................ ﺑﺴﻢ ﺍﻟﺬﻳﻦ ﺗﺤﺒﻬﻢ ﻭﺍﻟﻔﻴﻜﺎ ﻣﻜﺘﻮﻟﻴﻦ ﻛﻤﺪ ﺻﺎﺑﺮﻳﻦ ﻭﺃﺑﺪﺍ ﻣﺎﺏ ﻧﻘﻮﻝ ﺣﻤﻴﺪ ﺭﻗﺪ ﻣﻨﻮ ﺍﻟﻌﻮﺽ ﻭﻟﻴﻬﻮ ﺍﻟﻌﻮﺽ ﺣﻤﻴﺪ ﺭﻗﺪ ﻭﻧﻀﺮﺏ ﻳﺪﻳﻨﺎ ﻋﻠﻰ ﺑﻌﺾ ﺣﻤﻴﺪ ﺭﻗﺪ ﻣﺎ ﺍﻟﺨﻴﺮ ﺑﻴﻤﻜﺚ ﻓﻰ ﺍﻷﺭﺽ ﻭﻳﻄﻔﺢ ﻋﻠﻰ ﺍﻟﺴﻄﺢ ﺍﻟﺰﺑﺪ ﻟﻮ ﻏﻴّﺐ ﺍﻟﻤﻮﺕ ﺍﻟﺠﺴﺪ ﺟﻮﺍﻧﺎ ﻋﺎﻳﺶ ﻟﻸﺑﺪ ........................... ﻳﺎ ﺍﻣﺒﺮﺍﻃﻮﺭ ﻳﺎﺭﺋﻴﺲ ﻛﻞ ﺍﻟﻐﻼﺑﻪ ﻭﻳﺎ ﺯﻋﻴﻢ ﺳﻮﻳﻨﺎ ﻣﻦ ﺇﺳﻤﻚ ﺣﺮﺯ ﻟﻰ ﻋﺎﺯﺗﻚ ﻣﻦ ﻛﻞ ﺷﻴﻄﺎﻥ ﺭﺟﻴﻢ ﻣﻄﻤﻮﺭﻩ ﺍﻟﻤﻨﻰ ﻭﺍﻻﻣﺎﻧﻰ ﻳﺎ ﺧﺸﻢ ﺑﺎﺏ ﺍﻟﻨﺴﻴﻢ ﻧﻠﻘﺎﻛﺎ ﻭﻳﻦ ﻧﻘﻌﺪ ﻣﻌﺎﻙ ﻓﻮﻕ ﻋﻨﻘﺮﻳﺐ ﺗﺤﺖ ﺍﻟﻀــــﻠﻴﻞ ﺍﻟﺮﺍﻣﻰ ﻧﻴﻢ ﻭﺭﺣــــــﻠﺖ ﻭﺩﻋﺖ ﺍﻟﻤﻨﺎﻓﻰ ﺭﻗـــــﺪﺕ ﻋــــﺎﻓﻰ ﺑﻴﻦ ﺣﻨﺎﻳﺎ ﺍﻻﺭﺽ ﻭﺍﻟﻮﻃﻦ ﺍﻟﺮﺣﻴﻢ ﻭﺧﻠﻴﺖ ﺃﺛﺮ ﺩﺭﺑﻚ ﺿﻴﺎﻙ ﺫﻯ ﺍﻟﺼﺮﺍﻁ ﺍﻟﻤﺴﺘﻘﻴﻢ ﻭﻛﻞ ﺍﻟﺮﺟﺎﻝ ﻋﺒﺪ ﺍﻟﺮﺣﻴﻢ ﻛﻞ ﺍﻟﺤﺮﻳﻢ ﺍﻟﺴﺮﺓ ﺑﺖ ﻋﻮﺽ ﺍﻟﻜﺮﻳﻢ ﻓﺎﻟﻴﺒﻘﻰ ﺳﻔﺮﻙ ﻳﺎ ﺻﻤﻴﻢ ﺍﻟﺮﺟﻌﺔ ﻟﻠﺒﻴﺖ ﺍﻟﻘﺪﻳﻢ ﺧﺒﺮﻙ ﺗﺼﻴﺤﺒﻮ ﺍﻟﻬﺒﻮﺏ ﺭﻳﺢ ﺍﻟﺸﻤﺎﻝ ﺭﻳﺢ ﺍﻟﺠﻨﻮﺏ ﻭﻳﻦ ﺍﻟﻠﻪ ﻣﺎ ﺭﻓﻊ ـ ﺍﻟﻘﺪﻡ ﺣﻴﻦ ﺗﺮﻓﻊ ﺍﻟﻔﺎﺗﺤﻪ ﺍﻟﻘﻠﻮﺏ ﻳﻤﻸ ﺍﻟﺪﻣﻊ ﺣﺘﻰ ﺍﻟﺠﻴﻮﺏ ﺭﺏ ﺍﻟﻌﺒﺎﺩ ﻣﻮﻻﻧﺎ ﺃﺭﺣﻢ ﻣﻦ ﺭﺣﻢ ﺑﻨﺎﺕ ﻧﻌﺶ ﻧﺠﻢ ﺍﻟﺜﺮﻳﺎ ﺇﺗﺤﺖ ﻓﻰ ﺻﻴﻮﺍﻥ ﻋﺰﺍﻙ ﺫﻯ ﺍﻟﺒﺮﻡ ﺍﻟﻘﺮﺷﻰ ﻭﺍﻟﻤﺎﻅ ﺍﻟﻬﻤﺎﻡ ﻭﺍﻯ ﻓﺎﺭﺱ ﻋﻨﻮﺓ ﻓﻰ ﺍﻟﺘﺎﺭﻳﺦ ﺑﺼﻢ ﺍﻟﻜﻞ ﺣﻀﻮﺭ ﻟﻠﻬﺪﻫﺪ ﺍﻟﺠﺎﺏ ﺍﻟﻨﺒﺄ ﻭ ﻟﻰ ﺣﻤﺎﻣﺎﺕ ... ﺍﻟﺤﺮﻡ ﺗﺮﻫﺎﻗﺎ ﺣﺎﻟﻒ ﺑﺎﻟﻴﻤﻴﻦ ﻗﺪﺭ ﻣﻘﺎﻣﻚ ﻳﺎ ﻋﻠﻢ ﻟﻴﻚ ﻳﺒﻨﻰ ﻓﻰ ﻧﻮﺭﻯ ﺍﻟﺠﺮﻳﻒ ﺭﻳﻘﺎﻥ ﻃﺮﺍﺑﻴﻞ ﺟﻢ ... ﺟﻢ ﺷﺎﻭﻳﺶ ﻣﻌﺎﻫﻮ ﺍﻟﻤﻚ ﺻﺒﻴﺮ ﻻ ﺣﺴﺮﺓ ﻓﻮﻗﻦ .... ﻻ ﻧﺪﻡ ﻭﻣﻬﻴﺮﻩ ﻭﺍﻗﻔﻰ ﺗﻌﺰﻯ ﻓﻴﻚ ﺩﻭﺑﺎﻯ ﻏﻨﺎﻭﻳﻚ ﺣﺎﻓﻈﻪ ﺻﻢ ﻛﺎﻧﺖ ﺗﻨﻬّﺮ ﻓﻰ ﺣﺮﻳﻢ ﻛﻮﻡ ﺍﻟﺮﻣﺎﺩ ﺧﻤﻨّﻮ .. ﺧﻢ ﻭﻛﺮﺟﺖ ﺳﻨﻮﻧﻪ ﻋﻠﻰ ﺭﺟﺎﻝ ﻟﻄﻤﻮ ﺍﻟﺨﺪﻭﺩ ﻭﺍﻟﺪﻣﻌﻪ ﺩﻡ ﻭﻧﻘﺮﺕ ﺑﺸﻴﺸﻰ ﻋﻠﻰ ﺷﺘﻢ ﻭﻳﺪﻳﻬﺎ ﻣﻠﻴﺎﻧﺎﺕ ... ﺧﺘﻢ ﻭﺍﻟﻤﻮﺝ ﻳﺼﻔﻖ ﻭﺍﻟﻨﺨﻴﻞ ﺑﻰ ﻋﺰﻩ ﻣﺎﺩ ﻟﻴﻚ ﻭﺇﻧﻘﺴﻢ ﺣﻤﻴﺪﻧﺎ ﻳﺎ ﺍﻟﺤﺠﺮ ﺍﻷﺻﻢ ﻏﻨﺎﻙ ﺣﺎﺣﺎﻳﻪ ... ﺍﻟﺼﻘﻮﺭ ﻣﺎ ﺭﻛﺎ .. ﻓﻮﻕ ﺣﻴﻄﻚ .. ﺭﺧﻢ ﻳﺎ ﻋﺸﺎ ﺍﻟﻀﻴﻔﺎﻥ ﻭ ﺭﻭﺍﺏ ﺍﻟﻌﺸـــــــﻢ ﺍﻟﺒﺮﻛﻞ ﺍﻟﺸﺎﻣﺦ ﻳﺸﺎﺑﻰ ﺍﻟﻘﻮﻣﻪ ﻟﻴﻚ ﻳﺎ ﻣﺤﺘﺮﻡ ﻓﻜﻴﺖ ﻛﺘﻴﺮ ﺭﻳﻘﺔ ﺍﻟﻮﻃﻦ ﻭﺩﺭﺕ ﻛﻢ ﻗﺮﻣﻪ ﻭﺧﺮﻡ ﻳﺎ ﺣﺒﻠﻨﺎ ﺍﻟﺴﺮﻯ ﺍﻟﺒﺒﺦ ﻓﻰ ﺍﻟﺠﻮﻑ .......... ﻧﻐﻢ ﺣﺐ ﺍﻷﺭﺽ ﻋﺸﻖ ﺍﻷﺭﺽ ﻳﺸﻔﻰ ﻳﺪﺍﻭﻯ ﻣﻦ ﺃﻯ ﻫﻢ ................................................ ﻳﺎ ﺣﺒﻨﺎ ... ﻭﻳﺎ ﻃﺒﻨﺎ ﻳﺎ ﺩﻭﺡ ﻗﻠﻮﺑﻨﺎ ﻭﺑﻠﺴﻤﺎ ﺯﺭﻗﺎﺀ ﻳﻤﺎﻣﺘﻨﺎ ﺍﻟﺘﻌﺎﻳﻦ ﻣﻦ ﺑﻌﻴﺪ ﺣﻴﻦ ﺃﺻﺎﺏ ﺷﻮﻗﻨﺎ ...... ﺍﻟﻌﻤﻰ ﺟﺒﺎﺭ ﺧﻮﺍﻃﺮﻧﺎ ﻭﻣﺸﺎﻋﺮﻧﺎ ﺍﻟﻤﺠﺮﺣﻪ .. ﺩﻳﻤﻪ ﺇﻳﺎﻙ ﺑﺮﻫﺎ ﻳﺎﺗﻮ ﺑﺤﺮﺍ ﻋﺮﻗﻮ ... ﺣﺎﻣﻰ ﺟﺰﻳﺮﺗﻮ ﻣﺎ ﺟﻴﺖ ﺣﺎﺯﻣﻪ ﺗﺮﺑﺎﻝ ﺯﺭﻋﺖ ﻗﻠﻮﺑﻨﺎ ﺣﺐ ﺷﺘﻠﻚ ﻗﺒﺾ ﻭﺍﻟﻀﻞ ﺭﻣﻰ ﺣﻤﻴﺪﻧﺎ ﻳﺎ ﺣﻤﻴﺪﻧﺎ ﺳﻰ ﻭﺭﻳﺘﻨﺎ ﻣﻌﻨﻰ ﺍﻹﻧﺘﻤﻰ ﻳﻐﺴﻠﻚ ﺍﻟﻠﻪ ﻣﻦ ﺍﻯ ﺳﺊ ﻳﺎ ﺍﻟﺒﻴﻚ ﻗﻠﻮﺑﻨﺎ ﻣﺘﻴﻤﻪ ﻭﻃﻨﺎ ﻳﻜﻮﻥ ﻣﺎ ﺯﻳﻮ ﺫﻱ ﻓﻰ ﺳﺒﻴﻠﻮ ﺭﻭﺣﻚ ﺳﺎﻳﻤﻪ ﻳﻌﺮﺽ ﺻﺒﻴﻬﻮ ﻣﻊ ﺍﻟﻨﻘﻰ ﺑﺪﻝ ﺍﻟﻜﻼﺵ ﻭﺍﻟﺮﺍﺟﻤﻪ ﺍﻟﻀﺒﻌﺔ ﺳﺎﺭﺣﻪ ﻣﻊ ﺍﻟﺠﺪﻯ ﻳﺮﻭﻥ ﺻﺤﺎﺭﻯ ﺑﻌﺪ ﻇﻤﺎ ﻓﺮﺥ ﺍ ﻟﻘﻤﺎﺭﻯ ﻣﻊ ﺍﻟﺤﺪﻯ ﻭﻓﻴﺾ ﺍﻷﻣﺎﻧﻰ ﺍﻟﺤﺎﻟﻤﻪ ﺍﻟﻌﺒﺮﻩ ﺷﻘﺖ ﻋﺎﺯﺓ ﻃﻖ ﺃﻃﺮﺡ ﻭﺷﻴﻜﺎ ﻭﻧﺎﻏﻤﻪ ﺍﻻﺑﻴﺾ ﺍﻻﺯﺭﻕ ﺩﻣﻮﻉ ﺣﺮﻗﺖ ﺧﺪﻭﺩ ﺍﻟﻌﺎﺻﻤﺔ ﻳﺎ ﻏﻔﻴﺮﺍ ﻭﻛﺖ ﺗﻨﻮﻡ ﻣﻦ ﺃﻯ ﻫﻢ ﻣﺎ ﻳﻨﻬﻤﺎ ﻣﺎ ﻫﻤﺖ ﻏﻴﺮ ﺑﻰ ﻫﺎ ﺍﻟﻮﻃﻦ ﺣﺒﻚ ﻳﻔﻮﻕ ﺃﺭﺿﻮ ﻭﺳﻤﺎ ﻭﺭﺣﻠﺖ ﻗﺒﺎﻝ ﺍﻷﻭﺍﻥ ﻳﺎ ﺩﻭﺑﻮ ﻋﺮﻕ ﺍﻟﺤﺐ ﻧﻤﺎ ﻭﻗﻔﺖ ﻋﻠﻰ ﻃﻮﻻ ﺍﻻﺭﺽ ﻭﺃﺩﺍﻛﺎ ﺗﻌﻈﻴﻢ ﺍﻟﺴﻤﺎ ﻭﺣﺒﻚ ﺻﺒﺢ ﻟﻠﻨﺎﺱ ﻓﺮﺽ ﻭﺍﻟﻨﻴﻞ ﻓﻰ ﺣﻀﻨﻚ ﺍﺭﺗﻤﻰ ................................ ﻳﺎ ﺍﻟﻌﺸﺘﺎ ﺑﻴﻨﺎ ﻭﻧﺤﻦ ﻓﻰ ﻭﻣﺎ ﻛﻨﺎ ﻓﻰ ﻳﻮﻡ ﻗﻠﺖ ﺣﻰ ﻋﻠﻰ ﺍﻟﻜﻔﺎﺡ ﺷﻼﻝ ﺩﻣﺎﻛﺎ ﻋﻠﻰ ﺍﻻﺭﺽ ﺑﺎﻛﺮ ﻳﻔﺮﻫﺪ ﻭﻧﺤﻨﺎ ﻓﻰ ﻭﻟﺴﻊ ﻧﺼﺎﺡ ﻭﺍﻓﻜﺎﺭﻙ ﺃﻧﺖ ﺑﻠﺪ .. ﺑﻠﺪ ﻣﺨﺘﻮﺗﻪ ﻓﻮﻕ ﻛﺘﻒ ﺍﻟﺮﻳﺎﺡ ﺗﺠﻰ ﻃﺎﻟﻊ ﺍﻧﺖ ﻣﻊ ﺍﻟﺒﺬﻭﺭ ﻛﻮﻥ ﻣﻦ ﺳﻤﺎﺡ ﺗﻮﺯﻥ ﻛﻤﻨﺠﺎﺕ ﺍﻟﻄﻴﻮﺭ ﺗﻌﺰﻓﻚ ﻏﻨﺎﻙ ﺑﻰ ﺇﺭﺗﻴﺎﺡ ﺗﻔﻮﺡ ﺃﺭﻳﺤﻴﺘﻚ ﺯﻫﻮﺭ ﻣﻮﺩﺓ ﺭﻳﺪ ﻭﺣﻨﺎﻥ ﻭﺣﺐ ﻳﺸﻔﻰ ﺍﻟﺠﺮﺍﺡ ﻭﺗﻈﻞ ﺣﻀﻮﺭ ﻋﺰّ ﺍﻟﻐﻴﺎﺏ ﺷﻤﺴﺎ ﺗﻄﻞ ﻓﻰ ﻛﻞ ﺻﺒﺎﺡ ﺇﺭﺍﺩﻩ ﻟﻰ ﻛﻞ ﺍﻟﺸﻌﻮﺏ ﺗﻬﺐ ﻣﺘﻞ ﺭﻳﺢ ﺍﻟﺼﻼﺡ ﻭﻳﻬﺪﻝ ﺣﻤﺎﻣﻚ ﻓﻰ ﺃﻣﺎﻥ ﻭﺍﻟﻜﻞ ﻳﻘﻮﻝ ... ﺃﺭﺿﺎ ﺳــــــــﻼﺡ ... ﺃﺭﺿﺎ ﺳــــﻼﺡ
اضافة تعليق